Bakıda növbəti Uşaq Kitab Festivalı təşkil olunacaq

Aprelin 10-dan 13-dək Bakı İdman Sarayında IV Uşaq Kitab Festivalı təşkil ediləcək.

Tədbirin təşkilatçıları Gənclər və İdman Nazirliyi, Ailə, Qadın və Uşaq Problemləri üzrə Dövlət Komitəsi, Mədəniyyət Nazirliyi və “Azərbaycan Nəşriyyatları Assosiasiyası” İctimai Birliyidir.

Həm uşaqların əylənəcəyi, həm də valideynlərin gözəl vaxt keçirəcəyi festival saat 10:00-dan axşam 20:00-dək açıq olacaq.

Girişi sərbəst olan tədbirdə minlərlə uşaq kitabının endirimli satışı, əyləncəli kukla tamaşaları, sevimli yazıçılarla görüş və imza saatları, əyləncəli şou proqramlar, mahnı və rəqs ifaları, yaradıcılıq fəaliyyətləri təşkil olunacaq.

08.04.2025