Şeirlər

Mirmehdi Seyidzadə. Payız

Payız gəlib, küləklər
Gəzir yenə bağları.
Hər tərəfə sovurur
Saralmış yarpaqları.
Axıb gedir buludlar
Yenə də karvan-karvan.
Dərələri, dağları,
Bürüyür çiskin, duman.

Mərcan kimi qızarmış
Moruqlar parıldayır.
Ağaclarda qarğalar
Səs salıb qarıldayır...
Yağır güclü yağışlar,
Günlərcə vermir ara.
Almaz kimi şeh düşür
Bağçalara, bağlara.