Ələsgər Talıboğlu. Yanıltmac
Bir-birdi,
Rəqəmlərin ilkidi.
İki-birdən sonradı.
Üç-göydən düşən almadı.
Bir kimsəyə qalmadı.
Dörd-fəsillərin cəmidi,
Yer dəyişən gəmidi.
Gəldin çatdın sən beşə,
Çiçək açar hər köşə.
Sıradakı altıdı.
Oynamağın vaxtıdı.
Yeddi-rəqəmlərin piridi,
Sanki mələk, hüridi.
O ki, qaldı o cüt qız-
Elə səkkizlə doqquz,
Ona yaxın olandı.
Demə dünya yalandı.
On-barmaqların sayıdı.
Rəqəmləri bilməyən
Ayıların tayıdı.
07.10.2020
