Mən səni vəsf edim bir canan kimi,
Sarılıb boynuna mehriban kimi,
Göyündə ulduzlar sayrışan kimi.

Nəqərat:

Ey könül mülkünün barı,
Naxçıvan, a gülüm ,
Ellərin sevgili yarı, Naxçıvan.

Qoynuna gülüzlü şux nigar gəlir,
Müjdə ver bülbülə ilk bahar gəlir,
Qızlar bulağına nazlı yar gəlir.

Nəqərat:

Ey könül mülkünün barı,
Naxçıvan, a gülüm,
Ellərin sevgili yarı, Naxçıvan.

Səndə tarixlərin çox nişanı var,
Hər daşın köksündə ox nişanı var,
İndi nə xanı var, nə sultanı var.

Nəqərat:

Ey könül mülkünün barı
Naxçıvan, a gülüm,
Ellərin sevgili yarı Naxçıvan.

Bəstəkar: Məmməd Cavadov