Anama bənzəyən analar...
Söz:Hafiz Əli
Musiqi:Rəşid Şəfəq
İfa: Flora Kərimova
Qayğılı, mehriban baxışlarıyla
Analar anama bənzəyir bir az.
Zərif üzlərinin qırışlarıyla
Analar anama bənzəyir bir az.
Analar anama bənzəyir düzü,
Öz mehri,ülfəti,məhəbbətilə,
Mənalı,hikmətli söhbəti,sözü
Ağıllı öyüdü,nəsihətilə
Anama bənzəyir analar bir az,-
Gözləri yol çəkib qəmlənən zaman.
Anama bənzəyir analar bir az,
Qara kirpiklər nəmlənən zaman.
Sevincli fərəhli gün keçirəndə
Nurlu üzlərində gəzər bahar yaz
Gəlin gətirəndə qız köçürəndə
Analar anama bənzəyir bir az
Odlar düşdümü bir el bir ölkə
Ürəkdən sızlayır acıyır onlar
Analar anama bənzəyir bəlkə
Anama anadır bacıdır onlar