Yurik səhər yuxudan oyanıb, pəncərədən çölə baxdı. Günəş əlvan şəfəq saçırdı hər yana! Yaxşı bir gün idi!  

Yuri bugün yaxşılıq etmək istəyirdi, oturub fikirə getdi: "Əgər bacım boğulsaydı, onu xilas edərdim!"

Həmin an bacısı Yurikin yanına gəlib dedi:

- Məni gəzməyə apar, Yura!

- Get burdan, düşünməyimə mane olursan! 

Bacısı inciyib oradan uzaqlaşdı. 

Yura yenə düşünməyə davam etdi: "Canavarlar dayəyə hücum etsəydilər, mən də onları öldürərdim!"

Dayə Yuraya yaxınlaşıb dedi: 

- Qabları təmizləməyə kömək et, Yuroçka.

- Özün təmizlə - vaxtım yoxdur! - deyə Yura cavab verdi.

Dayə başını bulayıb, oradan uzaqlaşdı.

Yura yenidən düşündü: "İtimiz Trezorka quyuya düşsəydi, onu quyudan çıxarardım!"

Trezorka həmin an onun yanında peyda oldu. O, quyruğunu yelləyib su istədi:

- Uzaqlaş burdan! Düşünməyimə mane olursan! - Yura Trezorkanı yanından qovdu.

Trezorka ağzını bağlayıb, kolların altına girdi.

Yura anasının yanına gəlib ondan soruşdu:

- Anacan, yaxşılıq etmək istəyirəm, nə edə bilərəm? 

Anası Yuranın başını sığallayıb dedi:

- Bacınla gəzintiyə çıx, dayəyə qabları təmizləməyə kömək et, itimiz Trezora isə bir az su ver.