Mirmehdi Seyidzadə. Övlad məhəbbəti
Çox mehriban qızdır Şadan,
Duran kimi yatağından
Anasını öpsün gərək.
Bu gün yenə yüyürərək
Yanaşanda anasına,
Ülkər xala dedi ona:
- Yaxınlaşma mənə, qızım,
Mən xəstəyəm, körpə quzum.
Şadan dedi:- Saçlarından
Öpüm səni, gəl anacan!
Kövrəklənib dedi Ülkər:
- Olmasaydım xəstə əgər
Üzümdən də öpərdin sən.
Qız dərk etdi bu sözlərdən
Öpmək olmaz xəstələri
Təəssüflə döndü geri.
14.07.2022
