Ələmdar Quluzadə. Paltar almır
Konfet istədi biri,
Konsert istədi biri.
Konfet alıb konsertə
Apardılar Tahiri,
Apardılar Mahiri.
Ata baxdı anaya,
Ana baxdı ataya,
Gördülər ki, düşüblər
Bilə-bilə xətaya.
Gözləri böyümüşdü
Sanki uşaqların da,
Qızlar konsert verirdi
Çimərlik paltarında.
Tahir dedi:
-Bilirəm
Bu qızların əynindən
Donları niyə çıxıb.
Onlar yuxudan durub
Birbaş səhnəyə çıxıb.
Mahir dedi:
-Görmürsən
Yadımda heç nə qalmır.
Elə pis oxuyurlar
Ataları acıqca
Onlara paltar almır.