Nahidə Əhmədova. Keşikçi kirpi
Bir kirpi gördü,
Bağçada Kənan.
Küçəyə çıxıb,
Dedi: -Uşaqlar,
Bağda kirpi var.
Uşaqlar bağa
Qaçıb gəldilər.
Kirpi gizlənib,
Dərhal bildilər.
Harda gizlənib
Bu kirpi axı?
Bayaqdan bəri
Axtarıb bağı
Tapa bilmirik,
Biz onu hələ.
Üzə çıxsana,
Ay kirpi lələ.
Harda gizlənib,
Hara qaçmısan?
Gəl, alma verim,
Bəlkə acmısan?
Uşaqlar onu,
Çağırdılar çox.
Amma kirpidən
Xəbər-ətər yox.
Yerəmi girib,
Göyəmi çıxıb?
Bəlkə də kirpi
Girib deşiyə,
Çıxsın eşiyə.
Acıqlanaraq
Getdi uşaqlar.
Tək qalıb bağda
Dedi ki, Kənan:
-Qorxma, çıx çölə,
Ay kirpi qağa.
Keşikçi qoydum,
Səni bu bağa.
15.03.2023