Heyvanlar aləminin xordalılar tipinin quşlar sinfinin nandukimilər dəstəsinin nandular fəsiləsinə aid heyvan cinsi olan Nandu Cənubi Amerikada yaşayan paleoqnatik quşdur. Onlar dəvəquşuna bənzəyirlər, lakin onların fərqli cəhətləri var. Məsələn, boyu daha kiçikdir. 1,50 m ilə 1,80 m arasındadır. Dişi nandu bir qədər kiçikdir. Dəvəquşunun yalnız iki barmağı olduğu halda, nandunun hər ayağında üç barmaq var. 

Tükləri yuxarı hissələrdə qara, boynun ortasında sarımtıl qəhvəyi, qırtlaq və yanaqlarda boz mavi, sinə və qanadlarda qəhvəyi kül, digər hissələrdə tünd ağ rəngdədir. Boz gözləri, ət rəngli tüksüz üz hissələri, qəhvəyi dimdiyi və 3 barmaqlı boz ayaqları var.

Nandu uça bilmir, Təhlükə altında olarsa, bacarığı olmasa da, yüksək sürətlə qaçmağı bacarır. Su yolunu keçmək məcburiyyətində qaldıqda yaxşı üzgüçüdür. 

Onlar sürü halında yaşayırlar. Payız və qışda 20-30 fərddən ibarət böyük qruplar təşkil edir. 

Onların qidası otlar, toxumlar, meyvələr, həşəratlar, sürünənlər və hətta kiçik məməlilərdən ibarətdir. 

İyul-avqust ayları arasında çoxalma mövsümünə girirlər. Yuva üçün bitki örtüyü az olan açıq yerləri seçirlər.  Dişi yerdəki kiçik çöküntülərdə 6 gün fasilələrlə 40-dan çox yumurta qoyur. Yumurtalar iridir. Zaman keçdikcə ağarsa da, sarımtıl rəngdədir. 

Dişilər yuvaya hər birinin çəkisi 600 q olan 12 yumurta qoyurlar. İnkubasiya dövrü 34-35 gündür.