Sevinc Pərvanə. "Məktəblinin inşası"
Anam istəyir müəllim olum onun kimi,
Atam deyir, balam olacaq ürək həkimi,
Babam istəyir olum vəkil,
Nənəm boyumu oxşayır:
“İnşaallah, balam olar hakim”.
Çaşıb qalsam da bu işə,
Seçməliydim bir peşə,
Yazmalıydım inşada.
Müəlliməm soruşdu,
Ay maşaallah, hardan gəlib ağlıma
olum kosmonavt,
İnşamı lövhədə söylədiyim vaxt
Dedim:
İstəmirəm dəysin bir-birinə
hamı bizdə,
Bircə kosmonavt yox ailəmizdə.
22.08.2020
