Şüşə osminoq Amphitretidae fəsiləsinin Vitreledonella cinsindəndir. Vitreledonella richardi dünyanın tropik və subtropik dənizlərində tapılan, uzunluğu 11 sm (yetişkinlərdə 45 sm), şəffaf, jelatin kimi və demək olar ki, rəngsiz bir mezo-batial zona osminoqdur. Üstdəki 3 cüt qolu demək olar bərabərdir. Cavan osminoqlarda başındakı örtük uzunluğunda, yaşlılarda isə 2-3 dəfə uzundur. 4-cü cüt ayaq biraz daha qısadır. Bir sıradakı əmici tellər bir-birindən daha geniş məsafədədir və kiçikdir.  Şəffaf osminoqun gözləri yan tərəfdən baxıldıqda göründüyü kimi- düzbucaqlı formadadır. Vitreledonella richardi ovovipar canlıdır. Yəni yumurtaları öz bədənində inkişaf edən heyvandır.

Dişi, yüzlərcə yumurtanı mantiya boşluğunda saxlayır. Hər bir yumurtanın diametri 4 mm-dir. Yeni yumurtadan çıxan balalar isə 2.2 mm uzunluğunda olur.