Ələmdar Quluzadə. "Yekələrin sualı"
Tərbiyəçi bağçada
Səndən nəyi soruşdu?
- Dedi budağa qonan
Toyuqdu, yoxsa quşdu?
Fikirləşib düz cavab
Verə bilmədin ona.
- Axı çıxa bilmirəm
Ağacın budağına.
- Yəqin tərbiyəçi də
Sualları saxladı.
- Yox ey, çox sual verib
Məni çoxlu yoxladı.
Dedi sənin babanın
İndi neçə yaşı var?
Yeddi qardaş divlərin
Nə qədər qardaşı var?
-Mənim Səadət balam,
Bunun günahı məndə.
Yaşımı deyəcəyəm
Almalar yetişəndə.
Gözlədim soruşmadı
Kökələrin sualın.
Balacalar nə bilsin
Yekələrin sualın?