Musiqi: Dmitri Kabalevski
Söz: Anatoli Prişelts
Tərcümə: Əjdər Ağayev

I

Çinarlar qatar-qatardır,
Torpağında, ey Vətən.
Ürəklərin sevincisən,
Harda var belə məskən?! 

Nəqərat:

Dəniz bir yan, bir yan dağdır,
Çoxludur meşələrin...
Nə genişsən, nə sonsuzsan
Günəşlidir səhərin. 

II

Şəfəqdənmi don geyinib,
Hər tərəf, hara baxsan.
Yamyaşılsan, gül-çiçəksən,
Bəzənmisən al-əlvan. 

Nəqərat:

Bahardan da baharlısan,
Hər gün çiçəklənirsən.
Yaşayırıq, yaradırıq,
Səndə, ey ana Vətən!