Lev Tolstoy. Qurd və nənə
Ac qurd bir kəndə girib ov axtarırdı. Kəndin kənarındakı daxmada bir oğlanın ağladığını eşitdi. Qurd qulaqlarını geniş açıb dinləməyə başladı.
Nənə uşağa deyirdi: "Ağlamağı dayandırmasan, səni qurda verəcəm!"
Qurd yerində dayanıb, heç bir yana tərpənmədi və oğlanın ona verilməsini gözlədi.
Artıq gecə düşdü; qurd isə hələ də gözləyirdi....
Nənənin səsi yenə eşidildi: "Ağlama bala, səni qurda vermərəm. Qurd gələn kimi onu birlikdə öldürərik!".
Qurd isə öz-özunə düşünüb deyindi: “Görünür, burada bir söz deyər, amma tamam başqa cür hərəkət edərlər” və dərhal kənddən uzaqlaşıb getdi.