Zahid Xəlil. İsgəndərin işləri
Tərsinədir deyəsən
İsgəndərin işləri.
Uşaqlar qışqırırlar:
- Yoxdu qabaq dişləri.
Çantasını düz tutub
Hər şey edir tərsinə.
Dərsdən qaçıb İsgəndər
Evə gedir tərsinə!
Tərsdir ayaqqabısı,
Köynəyi dal - qabaqdır
Görən bu İsgəndərdi,
Yoxsa ki, balqabaqdır?!
- Müəllim bəs nə dedi
Yazmadığın dərsinə?
Cavabına baxın bir:
- Mən beş aldım, tərsinə!
