Liana tropik meşələrdə ən geniş yayılmış bitki növlərindən biridir. Onlar torpaqda bitir, ancaq aşağıda onlara işıq bəs etmir. Ona görə də liananın elastk gövdəsi ağacların gövdəsinə yapışıb sarılır, sanki yavaş-yavaş yuxarı, günəş işığına tərəf qalxır. Həm də bu vaxt lianalar ağaclara heç bir zərər vurmur, çünkki qidanı əvvəlki kimi torpaqdan alır. Əgər bir neçə liana yan-yana bitirsə, onlar bir-birinə dolanır və çox vaxt bu tropik meşələri tamamilə keçilməz edir.