Şeirlər
Aləmzər Əlizadə. Kaktusun balaları
Bizim kaktus elə bil,
Qarmondu yupyumruca.
Nə vaxtdır gözləyirdik
Gözəl çiçəklər aça.
Səhər nənəm sevincək,
Dedi: - Gördünüzmü siz?
Külfət basıb kaktusu,
Olmayıb xəbərimiz.
Baxdıq ana kaktusa,
Qucağında balalar.
Balaların da sarı,
İti tikanları var.
Tikanlar bir-birini,
Nə ağrıdıb, nə deşib.
Səkkiz balanın üçü,
Qopub dibinə düşüb.
17.01.2023
