Bir fermada yaşayan balaca qırmızı Toyuğun üç dostu vardı: tənbəl it, yuxulu Pişik və səs-küylü Ördək.

Toyuq bir gün bir ovuc buğda tapdı. Dostlarının yanına gedib soruşdu:

-Kim bu toxumu əkməyə kömək edər?

Tənbəl İt dedi: “Yox mən istirahət edirəm.”

Yuxulu Pişik dedi: “Mən yatıram.”

Səs-küylü Ördək dedi: “Yox, mən mahnı oxuyuram.”

Toyuq dedi: “Yaxşı, bütün toxumları özüm tək əkərəm.”

Aylar keçdi. Böyüyən toxumları biçmə zamanı gəldi.

Toyuq dostlarından soruşdu: “Buğdaları biçməyə kim mənə kömək edəcək?”

Tənbəl İt dedi: “Yox, mən istirahət edirəm.”

Yuxulu Pişik dedi: “Mən yatıram.”

Səs-küylü Ördək dedi: “ Yox, mən mahnı oxuyuram.”

Toyuq dedi: “Yaxşı, bütün buğdaları özüm tək biçərəm.”

Toyuq buğdaları biçdi, dəyirmanda üyütdü və un əldə etdi. əldə etdiyi undan çox dadlı çörək çörək bişirdi.

Dostlarından soruşdu: “Bu çörəyi yeməyə kim mənə kömək edər?”

Tənbəl İt dedi: “Mən hal-hazırda istirahət etmirəm.”

Yuxulu Pişik dedi: “Mən hal-hazırda yatmıram.”

Səs-küylü Ördək dedi: “ Mən hal-hazırda mən mahnı oxumuram.”

Toyuq dedi: “Yox, bütün çörəkləri özüm tək yeyərəm.”