Dünya incəsənətinin ən məşhur heykəltəraşlarından biri Donatello (tam adı Donato di Niccolo di Betto Bardi) 1386-cı ildə Florensiyada anadan olub.O, erkən intibah dövründə Donatello adıyla tanınırdı.

İlkin sənət təhsilini zərgər emalatxanasında aldıqdan sonra 1404-1407-ci illərdə Donatello Lorenzo Ghibertinin emalatxanasında köməkçi kimi çalışıb. 

Ən çox İncil motivləri əsasında hazırladığı heykəllər, barelyeflərlə məşhur olan Donatello Lorenso Gibertiyə Florensiya Baptisterisinin şimal divarına qoyulacaq müqəddəslərin heykəllərinin hazırlanmasında kömək edib.

1415-1426-cı illər ərzində Donatello Florensiya kilsəsinin zəng qülləsində yerləşdiriləcək 5 heykəl düzəldib.

Donatellonun son işi Florensiyada San Lorenzo kilsəsi üçün iki minbər idi. Bu iş təxminən 1460-cı ildə başlamış və Donatellonun ölümündən sonra onun köməkçiləri tərəfindən təxminən 1470-ci ildə tamamlanıb. Yaradılan obrazların bütün bədbinliyinə və dramatikliyinə baxmayaraq, ustadın son əsərləri böyük insanlıq və mənəviyyatla səciyyələnir.

Donatello 13 dekabr 1466-cı ildə vəfat edib.