Cəvahir Tanrıverdi. Zəfər Günü
Zəfərin mübarək, Vətən!
Dalğalansın al bayrağım!
Toya - büsata bürünsün
O Cıdır düzüm- oylağım.
Biz Ali Baş Komandanın
Gücündən güc, ilham aldıq.
Yağı düşmən üzərində
Qırx dörd günə zəfər çaldıq.
Tarixə soraq yetirək,
Sevindirək Xan qızını.
Xarıbülbül çiçək açsın,
Səsləsin Ay - ulduzumu.
Bu vətənin yer üzündə
Məğrur duruşu qartaldır.
Zəfər sədamız yayılsın:
"Qarabağ Azərbaycandır! "
Mübarəkdir "Zəfər Günü"n,
Ey mübariz, polad xalqım.
İlhamla tarix yazmışıq,
Əbədidir qalib adın.
