Aqniya Barto. Ördək balaları
Səhər çağı gözəl olur
Çay qırağı, su kənarı...
Ana ördək aparırdı
Çolpaları çaya sarı.
Bu çolpalar rəngbərəngdir,
Biri kiçik, biri böyük,
Suya girib üzüb onlar
Dəstə-dəstə, bölük-bölük.
Birisi lap balacadır,
Lüməkdir, bapbalacadır,
Üzə bilmir yazıq hələ,
Ana ördək deyir belə:
-Sürətlə üz!
Qorxma, suda yox olmazsan,
Cəsarətli olsan əgər,
Heç bir zaman boğulmazsan!
20.11.2024
