Şeirlər
Zeynal Cabbarzadə. Xizək mahnısı
Çöldə külək əsir, əsir
Soyuq qılınc kimi kəsir.
Quşlar uçur uzaqlara,
Bilinməyir uçur hara.
Aman, odur qar da yağır,
Necə düşür ağır - ağır...
Külək daha dayanmışdır,
İndi daha çöldə qışdır.
Dizə çıxır küçədə qar.
Xizək sürür şən uşaqlar.
Anam evdə olsa əgər,
Oynamağa izn verər.
Gəldi anam işdən evə,
Məni öpdü sevə - sevə.
Almış idi mənə xizək
Çölə qaçdım mən sevincək.
Ay uşaqlar, ay uşaqlar,
Bax, mənim də xizəyim var.
29.12.2024
