Tarantula şahini Cənub-Şərqi Asiya, Afrika, Avropa, Avstraliya və Amerikada yaşayan eşşək arısıdır. Bu arılar ABŞ-ın Loqan, Utah şəhərlərində və Argentinadan Cənubi Amerikaya kimi ərazilərdə müşahidə edilib. 

Palma kakadusu- yabanı təbiətdə yaşayan nadir tutuquşu növüdür. Qara Palma kakadusu əhval-ruhiyyəsini nümayiş etdirmək üçün unikal xüsusiyyəti ilə diqqət çəkən Avstraliyanın ən böyük tutuquşusudur. Bədəni qara lələklələ örtülü olan bu tutuquşular çox şıltaq və aqressiv olurlar. 

Bağban quş - Bu lələkləri tünd kiçik quşun vətəni Malukk adalarıdır. O, torpağın üstündə nazik qamışdan yuva hörür. Yuvasının qabağına rəngbərəng çiçəklər düzür. Vaxtaşırı yuvasının qabağındakı çiçəkləri dəyişdirib təzələyir.

Keşyu və ya Anakard (anacardium occidentale) saqqız ağacıkimilər fəsiləsinə mənsub həmişəyaşıl tropik iqlim bitkisidir.

“Yosemit” və ya “At quyruğu” (Horsetail Fall) şəlaləsi Kaliforniyada Yosemit Milli Parkında yerləşir. Şəlalə heyrətamiz görünüşü ilə turistlərin marağına səbəb olur.   

Çoxhüceyrəli heyvanların ən sadə quruluşlu tiplərindən biri süngərlərdir. Süngərlərin 8000-ə qədər növü məlumdur. Dəniz sakini olub, bütün bədəni ilə suyun dibinə və ya sualtı əşyalara hərəkətsiz yapışır. Əsl çoxhüceyrəli heyvanlardan fərqli olaraq süngərlərin orqan və toxumaları yoxdur. Süngərlər koloniya şəklində yaşayır. Onların kisəvarı və ya qədəhvarı bədəni iki qatdan: xarici dermal (ektoderma) və daxili qatdan (endoderma) ibarətdir.