Çəhrayı Argentina zirehlisi (Chlamyphorus truncatus) Chlamyphoridae ailəsinə aiddir və , ilk dəfə 1825-ci ildə Riçard Harlan tərəfindən təsvir edilmiş ən kiçik armadillo növüdür. 8-10 santimetr uzunluğuna görə armadillo ailəsinin ən kiçik üzvü hesab olunur. İpək kimi yumşaq ağ kürkü olmasına baxmayaraq, ən diqqət çəkən xüsusiyyəti həm böyüklər, həm də körpə Argentina zirehlisinin üstünü örtən çəhrayı zirehdir. Bu zirehin kənarları bədəninə yapışdırılmadığı üçün onu soyuqdan qoruyan ağ kürkünü görə bilərsiniz.

Yəhərli tırtıl (Sibine stimulea)  Şimali Amerikanın şərqində yaşayan güvə növünün sürfəsidir. Meksikada da rast gəlinir. Növ şlak tırtılları, Limacodidae ailəsinə aiddir. Sürfə əsasən yaşıl rəngdədir, hər iki ucu qəhvəyi rəngdədir və mərkəzdə yəhərə bənzəyən ağ halqalı qəhvəyi nöqtə var. Hər iki ucunda bir cüt ətli buynuz var.  

Amarant bitkisinin faydalı və müalicəvi xüsusiyyətləri insanlara hələ çox qədim dövrlərdən məlum olmuşdur. Amerika qitəsində yaşayan qədim hindular, meksikalılar, perulular bu bitkinin qida xüsusiyyətləri ila tanış odluqdan sonra onu geniş sahələrdə əkib becərərək və min tonlarla yaşıl kütlə əldə edirdilər. 

Qırmızı dodaqlı yarasa balığı və ya Qalapaqos yarasa balığı Qalapaqos adaları ətrafında və Peru sahillərində 3 -76 m dərinlikdə tapılan qeyri-adi morfologiyalı balıqdır.Qəribə bədən forması və parlaq qırmızı dodaqları ilə diqqət çəkən qırmızı dodaqlı yarasa balığı su canlısıdır. Üzə bilməyən balıq növü olan bu canlı qumun üzərində hərəkət edir.  

Dumbo osminoqları (Grimpoteuthis) bütün osminoq növlərinin ən dərin sularda yaşayan sakinidir. "Dumbo" adı onların Disneyin 1941-ci ildə çəkdiyi Dumbo filminin baş personajına bənzəməsindən irəli gəlir, hər gözün üstündəki mantiyadan uzanan görkəmli qulağa bənzər üzgəc var.   

Palçıqlı tullananlar (mudskipper) amfibiyalar sinifinə aid olduğu zənn edilsə də, balıqlar sinifinə aiddirlər. Eyni zamanda suda yaşayan balıqlarla, quruda yaşayan amfibilər arasında keçidin önəmli nümayəndələrindəndirlər. Elmi adı “Periophthalmus argentilineatus”dur.