Abdulla Şaiq. Arı və kəpənək
Bir arı çəmənlikdə çiçəyə qonub şirə çəkirdi. Həmin çiçəyin o biri budağına da bir kəpənək qonmuşdu. Arı tez-tez kəpənəyin yanından uçub o biri budağa qonurdu. Bundan rahatsız olan kəpənək dedi:
— Ey, o kobud ayaqlarınla mənim yanımdan keçmə! Xallı qanadlarımın bəzəyini pozarsan!
Arı ona cavab vermədi, çiçəkdən-çiçəyə qonmaqda davam etdi. Kəpənək yenə arıya acıqlandı:
— Ey, sənin vızıltın mənə mane olur, başım ağrıyır.
Arı vızıldayaraq cavab verdi:
— Ey, kəpənək! Xallı qanadlarınla öyünmə. Mən çiçəklərdən şirə çəkib bal tuturam. Onu bütün xalq yeyir. Sən isə ancaq özünü tərifləyirsən.
29.12.2021