Rəfiqə Qasımqızı. Nar
Çiçəyi ulduz-ulduz,
Yarpaqlar arasında.
Bağların bəzəyidir,
Meyvələr sırasında.
Çiçəyinin rəngindən,
Xoşlanır elə hamı.
Yeyənlərə xoş gəlir,
Turş tamı, şirin tamı.
Meyvəsini bəzəyən,
Onun gözəl tacıdır.
Dişləyib yemək olmaz,
Qabıqları acıdır.
Muncuq-muncuq düzülüb,
Dənələri içində.
Var böyüyü, kiçiyi,
Hərəsi bir biçimdə.
Uşaqlar da çox sevir,
Meyxoş, şirin dadını.
Tapın görüm, uşaqlar,
Bu dadlının adını.
