Samuraylar  yapon hərbi-feodal zümrəsidir. “Samuray” sözü qədim yapon dilindəki “samurai” felindən əmələ gəlib, “yüksək təbəqədən olan insana xidmət etmək” mənasını verir.  Yaponiyada samurayları “busi” (döyüşçü) də adlandırırlar.  Samurayların dövrü Yaponiyada eramızın  VII-VIII əsrlərində başlayıb. 

Bizim orqanizmimizdə 500-dən çox müxtəlif vəzifə daşıyan bir orqan var. Ona görə də onu dəyişmək mümkün deyil. İnsanlar böyrəyi, ürəyi, ağciyəri əvəz edə biləcək aparatlar hazırlaya bilsələr də, qaraciyərin əvəzedicisi yoxdur.  

Müasir həyatı kompütersiz təsəvvür etmək çətindir. Onun köməyi ilə qatarların hərəkətini tənzimləmək, zavodda texnoloji prosesi idarə etmək, qəliz cərrahiyyə əməliyyatları aparmaq və kosmik stansiyaların uçuşunu nəzarətdə saxlamaq mümkündür. Yer kürəsinin müxtəlif nöqtələrində yaşayan insanlarla ünsiyyət qurmaq necə də gözəldir.   

Yer kürəsinin altı materikindən biri olan Şimali Amerika Qərb yarımkürəsinin şimalında yerləşir. Şimali Amerikanın əhalisi 500 milyon nəfərdən çoxdur. Bu da dünya əhalisinin 7 faizi deməkdir.  Şimali Amerika böyüklüyünə görə Avrasiya və Afrikadan sonra üçüncü kontinentdir.   

Londonun Blumsberi rayonunun mərkəzində, Qreyt-Rassel küçəsində möhtəşəm sütunları ilə seçilən bina yerləşir. Onun fasadını üzərində barelyeflər olan fronton bəzəyir. 1823-1847-ci illərdə memar R.Smerk tərəfindən tikilən bu binada dünyanın ən iri muzeylərindən birinin - Britaniya Milli Muzeyinin inciləri saxlanılır.    

Müasir Perunun ərazisində sirli Maçu-Pikçu şəhəri yerləşir. Onu həm də “inklərin itirilmiş şəhəri” də adlandırırlar. Dağ başında yerləşən bu şəhər 1440-cı ildə inklərin başçısı Paçakutek tərəfindən 2057 metr hündürlükdə salınıb. Dörd yüz il əvvəl tərk olunmuş şəhər unudulub və tamamilə kimsəsizləşib.