Yer qabığının ən uzun çatı olan Böyük Afrika Rifti tədricən genişlənərək, 6750 kilometr uzanır. Vaxtı gələndə Şərqi Afrika qopub qitədən  ayrılacaq, Qırmızı dəniz isə Afrikanı Ərəbistan yarımadasından ayıraraq Aralıq dənizi ilə birləşəcəkdir.   

Hansı heyvan daha sürətli qaçır? Dünyanın ən soyuq yeri haradır? Bəs ən hündürə tullanan insan kimdir? Bu və başqa suallara cavab tapmaq üçün insanlar daim canlıları və təbiət hadisələrini müşahidə ediblər və bəzi göstəriciləri yaxşılaşdırmağa cəhd göstəriblər. 

Səmada ulduzların sayı o qədər çoxdur ki, keçmişdə astronomlar onları tədqiq etmək asan olsun deyə səmanı hissələrə, ulduzları isə bürclərə bölüblər. Əgər bəzi ulduzları bir-biri ilə şərti xətlərlə birləşdirsək, qarşımızda bu bürclərin adını daşıdığı nağıl qəhrəmanları və ya heyvanların cizgilərini görə bilərik.  

Ən ağır təbii fəlakətlərdən biri də daşqındır. Daşqınlar çaylarda suyun səviyyəsinin kəskin surətdə qalxması nəticəsində yaranır. Güclü leysan, qarın sürətlə əriməsi və digər səbəblərdən yaranan daşqın bəzən böyük fəlakətlərə səbəb olur: yollar, körpülər, evlər dağılır, insanlar və digər canlılar  məhv olur.

Hər dəfə qlobusa və ya xəritəyə baxarkən ekvator elə əhəmiyyətli detal kimi görünür ki, onun xəyali xətt olduğuna inanmırsan. Biz bu xətti dəfələrlə keçsək də, bunu hiss etmirik. Dənizçilərin ekvatoru keçərkən qeyd etdikləri “xətti keçmək” mərasimi bununla izah olunur.    

Biz  “Avgi tövləsi”  ifadəsini baxımsız, həddən artıq çirklənmiş bir yeri bildirmək istəyəndə işlədirik. Bu ifadə bizə yunan əsatirindən gəlib. Bir zamanlar Qədim Yunanıstanda Avgi adında Ellada çarı yaşayırdı. Atları həddən artıq sevən çarın tövləsində üç min at saxlanılırdı.