Pediatr: Uşaqlarda arterial təzyiq hər yaş qrupuna görə dəyişir
Arterial hipertenziya adətən yaşlılar arasında ən çox yayılan hallardan biridir və bir çox xəstəliklərin əsasını təşkil edir. Arterial hipertenziya əslində uşaqlar arasında da rast gəlinir. Uşaqlarda arterial təzyiq göstəriciləri böyüklərdən fərqli olaraq, hər yaş qrupuna görə dəyişir. Buna görə də xüsusi cədvəllərdən istifadə olunur. “Sentil cədvəli”ndə eyni yaş qrupu və bədən ölçülərində olan uşaqlar arasında aparılan müayinədə ən çox rast gəlinən göstərici normativ kimi qəbul olunur. Məsələn, boyu 165 santimetr olan 14 yaşlı gənclər üçün sistolik təzyiq 105-120 mm.c.st, diastolik təzyiq 61-78 mm.c.st arası dəyişə bilər. Pediatr bu cədvəllər əsasında uşaqda arterial təzyiqi dəyərləndirir və normadan kənara çıxmaları qeydə alaraq nəzarətdə saxlayır.
