Sardiniya Aralıq dənizində Siciliyadan sonra ikinci ən böyük adadır. İtaliyanın iyirmi regionundan, eləcə də xüsusi qanunla müəyyən dərəcədə daxili muxtariyyət verilən beş bölgəsindən biri olan Sardiniya ölkənin ən məşhur turistik yerlərindəndir. İqlimi subtropik, Aralıq dənizi tipli olan bu adanın cənub-qərbində Sardiniyanın mərkəzi hissəsindəki dağlardan Kampidano ovalığı ilə ayrılan İqleziyente massivi yerləşir. Ada toz kimi incə ağ qumlu çimərlikləri, firuzəyi mavi dənizi, tarixi və təbiət gözəllikləri ilə turistləri cəlb edir.

Təkrar emal kağız, plastik və metal kimi istifadə olunmuş materialların toplanmasını və sonra onların yeni məhsullara çevrilməsini əhatə edir. Təkrar emal köhnə əşyaları yeni əşyalara çevirərək planetimizin qayğısına qalmağa kömək edir.  

Türkiyənin qərbi Aralıq dənizinin Təkə yarımadasında yerləşən tarixi məkan Likya özünəməxsusluğu, heyrətamiz memarlığı ilə Anadolunun ən inkişaf etmiş sivilizasiyalarındandır.  

Şəkinin Baş Küngüt kəndinin sakini Sadiq Mustafazadə uzun illərdir çaynik kolleksiyası toplamaqla məşğuldur. O, bunun üçün 30 ilə yaxın vaxt sərf edib. Kolleksiyada dost-tanışlarının hədiyyə etdiyi özəl çayniklər də az deyil. Kolleksiyanı ziyarət edənlər istədiyi çaynikdə çay sifariş edə bilərlər. Çayniklərin əksəriyyəti keramikadan hazırlanıb.   

1858-ci ildə İngiltərənin Vudingdin şəhərində inşa edilən quyu - yer kürəsinin ən dərin əl ilə qazılmış quyusu hesab edilir. Dərinliyi 392 metrdir.

Albuminlər heyvan və bitkilərin toxumalarının bir hissəsi olan, suda həll ola bilmək qabiliyyətinə malik zülallardır. Suda, duz məhlullarında, qələvilərdə yaxşı həll olunur.