Aqama Mvanza - əsasən Afrika ölkələri Tanzaniya, Ruanda və Keniyada rast gəlinən kərtənkələ növüdür. Olduqca qeyri-adi rəng çalarlarına sahib olduğuna görə superqəhrəman “Hörümçək adam” ləqəbini almışdır.

Britaniya Kolumbiyası ilə ortaq sərhəddə yerləşən Banff Milli Parkındakı Peyto gölü Kanada dağlarının buzlaqları ilə qidalanır.

Dünyagörmüş qocalar evdə həmişə üzərlik saxlayar, ağrı və narahatlıq hiss edən kimi onun tüstüsünü “dərd dəvası” kimi istifadə edərdilər. Üzərliyin mistik gücünə inam müasir həyatımızda da ondan istifadə edilməsinə səbəb olur. Mifologiya və inanclarda üzərliyə olan inam onun bəd nəzərdən qoruması ilə bağlıdır. Bəlkə də buna görə az qala hər evdə həmin bitkiyə rast gəlmək mümkündür, qara qüvvələri qovmaq və bəd nəzərdən sovuşmaq üçün çox vaxt onun gücünə bel bağlayırlar.

Braziliyanın Rio-de-Janeyro şəhərində yerləşən, hündürlüyü 396 m olan bu dağı yerlilər “Pan di Asukar”, yəni “Kəllə qənd” və ya “Şəkər çörəyi” adlandırırlar. Rio-de-Janeyroda tursitlərin ən çox baş çəkdiyi görməli yerlərdən biridir.

Təbiətin nadir abidəsi sayılan «Purnululu» dağ silsiləsi (Bungle Bungle) Avstraliya İttifaqında yerləşən milli parkdır. Yaşı təxminən 350 milyon ildir. Lakin bu heyrətamiz landşaft, yaşayış məntəqələrindən çox uzaqda yerləşdiyinə görə, yalnız 1983-cü ildə aşkar edilib.

Nəhəng köpəkbalığı və ya Baskula köpəkbalığı (Cetorhinus maximus) - balina köpəkbalığından sonra dünyada ikinci ən böyük balıqdır, uzunluğu 6-8 metr arasında dəyişir. 15 metr ölçüdə fərdlərin təsdiqlənməmiş təsvirləri var.